Ish-ministri i Bujqësisë: Kërcënohemi nga përmbytjet

23:22 | 6 Tetor 2017
Arbresh.info

Ish-ministri i Bujqësisë Edmond Panariti ka bërë një deklaratë të fortë ditën e sotme, ku ka paralajmëruar se Shqipëria rrezikohet nga përmbytjet gjatë dimrit.

Në një status në profilin e tij në ‘Facebook’, Panariti thotë se në prag të sezonit të shirave, shkrihet drejtoria e ujërave.

Sipas Panariti, shkrirja e kësaj drejtorie e ka lënë rrjetin e hidrovoreve, kanalet e ujërave të larta, sistemet e digave dhe të rezervuarëve në mëshirë të fatit përballë rrezikut të përmbytjeve

“Në prag të sezonit të shirave dhe rrezikut të përmbytjeve, shkrihet drejtoria e ujërave në Ministrinë e Bujqësisë. Rrjeti i hidrovoreve, kanaleve të ujërave të larta, sistemet e digave dhe të rezervuarëve, mbeten pa kokë dhe në mëshirë të fatit. Kërcënohemi seriozisht nga përmbytjet”, shkruan Panariti.

 

Shpërndaje në rrjete sociale

Lajmet më të lexuara

Të ngjashme

Foto lajm